12 ફેબ્રુઆરી, 2020
અમે એ શેર કરતી વખતે ઉત્સાહિત છીએ કે આજ રોજ સુધીમાં, WhatsApp વિશ્વભરમાં બે અબજથી વધુ વાપરનારાઓને સપોર્ટ કરે છે.
માતાઓ અને પિતાઓ તેમના પ્રિયજનોનો સંપર્ક કરી શકે છે, પછી ભલેને તેઓ ગમે ત્યાં હોય. ભાઈઓ અને બહેનો મહત્ત્વપૂર્ણ ક્ષણોને શેર કરી શકે છે. સહ-કાર્યકરો સહયોગ કરી શકે છે અને બિઝનેસ તેમના ગ્રાહકો સાથે સહેલાઈથી કનેક્ટ ��ઈને વિકાસ કરી શકે છે.
ખાનગી વાતચીતો, જે એક સમયે માત્ર રૂબરૂમાં જ શક્ય હતી તે હવે ઇન્સ્ટન્ટ ચેટ અને વીડિયો કૉલિંગ મારફતે ખાસ્સા એવા અંતરેથી થઈ શકે છે. એવી ઘણી બધી નોંધપાત્ર અને ખાસ ક્ષણો છે કે જે WhatsApp પર ઉદ્ભવે છે અને અમે આ માઇલસ્ટોન સુધી પહોંચીને કૃતજ્ઞ અને ગૌરવાન્વિત થઈ ગયા છીએ.
અમે જાણીએ છીએ કે અમે જેટલા વધુને કનેક્ટ કરીએ છીએ, તેટલા જ વધુની અમારે સુરક્ષા કરવાની રહે છે. આપણે આપણું મોટાભાગનું જીવન ઓનલાઇન વિતાવીએ છીએ, ત્યારે આપણી વાતચીત સુરક્ષિત રાખવી તે પહેલાં કરતાં વધારે અગત્યનું છે.
એટલા માટે જ WhatsAppનો ઉપયોગ કરીને મોકલવામાં આવતા દરેક ખાનગી મેસેજ ડિફોલ્ટ રૂપથી એન્ડ-ટૂ-એન્ડ એન્ક્રિપ્શનથી સુરક્ષિત હોય છે. સશક્ત એન્ક્રિપ્શન, તોડી ન શકાય એવા ડિજિટલ લૉક તરીકે કામ કરે છે કે જે WhatsApp પર તમે મોકલો છો તે માહિતીને સુરક્ષિત રાખે છે, જેનાથી હેકર અને ગુનેગારોથી તમારી સુરક્ષા કરવામાં મદદ મળે છે. મેસેજને માત્ર તમારા ફોન પર જ રાખવામાં આવે છે અને તમારા અને તેને મેળવનાર સિવાય અન્ય કોઈ પણ તમારા મેસેજને વાંચી શકતા નથી અથવા તમારા કૉલને સાંભળી શકતા નથી, અમે પણ નહિ. તમારી ખાનગી વાતચીતો તમારી વચ્ચે રહે છે.
આધુનિક જીવનમાં સશક્ત એન્ક્રિપ્શન જરૂરી છે. અમે સુરક્ષાને લઈને બાંધછોડ કરીશું નહિ કારણ કે તેનાથી લોકો ઓછા સુરક્ષિત થશે. હજુ વધુ સુરક્ષા માટે, અમે ટોચના સુરક્ષા નિષ્ણાતો સાથે કામ કરીએ છીએ, દુરુપયોગને રોકવા માટે ઉદ્યોગ અગ્રણી ટેક્નોલોજીનો ઉપયોગ કરીએ છીએ તેમજ સમસ્યાઓની જાણ કરવાની રીતો અને નિયંત્રણો પૂરાં પાડીએ છીએ — તે પણ પ્રાઇવસીનો ભોગ આપ્યા વગર.
લોકોના ઉપયોગ માટે સરળ, વિશ્વસનીય અને ખાનગી હોય તેવી સેવા બનાવવાના લક્ષ્યની સાથે WhatsAppની શરૂઆત કરવામાં આવી હતી. આજે, અમે વિશ્વને ખાનગી રીતે કનેક્ટ કરવામાં મદદ કરવા અને વિશ્વભરના બે અબજ વાપરનારાઓના વ્યક્તિગત સંચારને સુરક્ષિત રાખવા માટે એટલા જ પ્રતિબદ્ધ થઈને રહેલા છીએ કે જેટલા અમે જ્યારે શરૂઆત કરેલી ત્યારે અમે હતા.